الضيق في صدري كسر حاجز الصمت

[عزيز]

[align=center]
الشاهد الله بدونك ضايق صدري
يفز قلبي لا جابك الطاري
أنا ذبحني غيابك وأنت ما تدري
قلبك بعيد وأنت ساكن أفكاري
أسوق عمري غلا يوم الغلا مشري
وأبيع كل البشر واصير لك شاري


[/align]

 

 

[ساره]

الكلمات الجميلة لها وقع في النفس

 

 

[عزيز]

المشاركة الأصلية كتبت بواسطة ساره

الكلمات الجميلة لها وقع في النفس

وكذلك هي النفس الجميلة روح الكلمة والهام الشعر....

 

 

[عزيز]

استأذنك بسافر ايام واجيك
وان طالت ايام السفر لاتحاتي
حتى ولو طولت ماني مخليك
ياللي بدونك ويش تسوا حياتي
تامر علي حاجه ؟باودعك واليك
عسي عوض الايام في المقبلاتي
حتى يدي ماودها تفارق يديك
ساكت وانا اشوف البلا في سكاتي
ماشفتني لارحت منك التفت فيك
بلاي والله روحتي والتفاتي
لكن قبل ماروح ودي اوصيك
وانت الوحيد الي يقدر وصاتي
لحد"سألك وقال لك وين مغليك
قله لوازم لاقضاها بيآتي
وان طرو النسيان مانيب ناسيك
ياراس مالي في الحياه وغناتي
وان طرو السلوان مانيب ساليك
طيفك معي حتى وانا في صلاتي
قلبي وهو قلبي اذا مر طاريك
لولا ضلوعي كان عزوا مماتي
لو جض صدري كان يمديه يأتيك
ويبات عندك ويهنا بالمباتي
انا وقلبي والغلا ساكن" فيك
وانته وقلبك والغلا وسط ذاتي
غلاك مثل الحكم عند المماليك
اكبر طموحي( لا ) كل امنياتي
شف في غيابي اي حاجه تسليك
لاني بعدك اسلآ مع ذكرياتي
احاول اذكر اي شي يطريك
واقول هو سوى وانا ذي سواتي
كني موادع كل شي حواليك
كني حسبت احساب حزت وفاتي
احب لاني مااقدر انساك وابيك
ولا اقدر اخليك ياالي تحاتي
معنى احب ولااقدر انسى واخليك
يعني بدونك ويش تسوا حياتي

 

 

[ساره]

اذا شفت في شوفتي تراني..

على شوفتك صحيت الاماني

زرعت الشوق كله بانتظارك

واخذت الانتظار وجيتك اعاني

نسيت الناس لكن مانسيتك

عجزت انساك حتى لو ثواني

مليت الكون واشغلت الجوارح

نظر عيني سمع اذني لساني

عطيتك شي ماهو عند غيرك

ولاقصرت لكنك اناني

غيابك صعب والاصعب وجودك

وانا في الحالتين اتعب واعاني

حبيبي لاتواخذني ولكن

ابيك تحط نفسك في مكاني

اذا جيتك وانا مشتاق تكفي

تجاهلني وكنك ماتراني

واذا صديت عنك وقلت ابرحل

وقف قلبك على الباب ودعاني

تعال وطف بيدينك حنيني

تملكني وانا اشغل لك حناني

تعال وضمني ياتاج قلبي

دخيلك لاتخليني عشاني

محبة صادق النيه قصايد

ومحبة ساقط النيه اغاني

قسم بالله لو موتي بيدك

اموووت الفين مره ماكفاني

واذا باقي من الطلقات طلقه

دخيلك حطها بين المعاني ..


فراقك صعب والاصعب وجودك

 

 

[عزيز]

[align=center]
ليت (السفر) بين المحبين ممــــنـوع
تحجز(جوازت) المـــــــــحبين بالذات

حتى لوأن ( السفر) حق مـــشروع
المشكلة.. لأهل الهوى حزن وآهات

لاغاب (خلّك) والرجاء فيه مقـــطوع
لابه (رسايل) تاصلك واتصـــــــالات

الخط مغلق...كنّه (الكرت) مـــــنزوع
من ضيقتك تلعن جميـع الاشتراكـــات

تضرب على الكفّين والقلب مفــجوع
تضيق بك عقبه جميـع المســـاحـات

في ليل دامس ضايعٍ مابه شمــــوع
(الفكر) تايه فـي دروب المتاهــــات

(العين) تذرف بالدقايق له دمــــــوع
و(القلب) عايش بين حسره وونـــــات

لوّك تجر الصوت ماهوب مســـــموع
ياطول مـا بينـك وبينـه مسافــــــات

يمكن ظروفه متمشت له على طـــوع
ويمكن سلا فكره بروحـه وجيّـــــات

سايح بدار(الغرب) والأجر مدفــــــوع
يسرح ويمرح بيـن سجّـه ولـــــــذات

الجو صافي بين خضره وينبـــــــوع
وأنت بسموم(القيض) مابه إجــــازات

الهم مدهالك من أسبـوع لسبــــــوع
لاحل ذكرى (الترف) هلّيت عــــــبرات

صار(السفر) كنّه مثل حبّة الكــــــوع
جمع الحبايب سابع المســـــتحيـلات

بس الأكيد أن (الغلا) فيك مــــــزروع
(الحب) يبقى بالضمايـر ولا مـــــــات

الصدق قلته والزعل دوم مرفــــــوع

وقت(السفر) تبدي كثيـر المعانـــات
[/align]