[عزيز]

المشاركة الأصلية كتبت بواسطة الشريف أبوغالب الادريسي

صح لسآنكـ يا خيتوو،،<<--دآخ وهو يقرآهآ ^،^
والله يبعد الطفش عنكـ،،
دمتي بود

البارق اللي عن سما الشعر ماغاب*****أروى الهجوس النادرات الثمينة

لو ماحسبت لسيله العرم بحساب****أمداه هد السور وأغرق مدينة

ضربت في منبت رياحينه أطناب ****وقطفت من يشمومه وياسمينه

بعطر أنفاس المسامع بالأطياب****حقاً على البستان لمشاهدينه

مادام فالموقف مزاحم بالأجناب****أنا اشهداني فالمواقف متينه

بلخبط اللعبه على كل لعاب****والعلم مايخفى العقول الذهينه

ماعاد في نفسي على المخطي أعصاب****ومحرفين القول ومصرفينه

يامضيعين الحق أنا فيه طلاب****والحق مايصعب على طالبينه

ومن يضحك بعينه وكشر بالأنياب****ماهمني نابه ولا ضحك عينه

يكتبني التاريخ في صفحة كتاب****وأنا المداد لما تخطه يمينه

أحدن ملى عينه من فعولي أعجاب****وأحدن ملى قلبه سواد وضغينه

وأحدن مصدقني وأحد قال كذاب****ومصدقين القول ومكذبينه

أصبحت لأسماءهم مفاتيح وأبواب****كلن يسمي بين نفسه وبينه

أصبحت في مأساتهم كل الأسباب*****وأنا عيوني من المآسي حزينه

يحملني الليل المحمل بالأتعاب****وأكمل المشوار لشرقة جبينه

شفت اختلاف الكره في وجه الأصحاب****مثل اختلاف الود فأول سنينه

كم من يدينن شغلها فتل الأشناب****وكم من شنب بعد الفتل حالقينه

تكسرت في عيونّا كسر الأكواب****اعتى الحصون النايفات الحصينه

مانجتمع حسب الجناسي والألقاب****حسب اتباع الأعتقاد ويقينه

وحديثنا سحر المسامع والألباب****ينزل علينا من سمانا سكينه

ترى اختصار القول عن بعض الاسهاب****اخير لمدور رضا سامعينه


____________________________

حياك الله اخ غالب زيارة سعيدة