|
بادية الشعر....
سعدعلوش خلوها ياهل الشعر واخماس الاسداس .. قصيدتي هذي خطيره ..مثيره للـه..وللتاريخ..ولكل هالناس ..ولـ هالحيــاة الزايلـــه والمريــره واللي مهوب لذروة الفكر عساس .. ينضم لـ اصحاب النفوس الكسيره اللـه الاول من قبل لفظ الانفاس .. عز وجل من الظنون الصغيره مامثل مثله مثل..ولاله اجناس .. يخلق مخلوقه ولايستشيره اذل له وانصاع له واحني الراس .. اللي جعلني ماعبد رب غيره عساه يكسوني من السندس الباس .. في يوم يعرى به الامير والاميره شاعر وذنبي غير وسكوتي اجراس .. ونفسي على مااللـه عطاها فقيره من كثر ما اعطي حب واخلاص واحساس .. أنا ماعاد أعرف وشلون أصيره في عقلي الباطن عقيده ونوماس .. وفي واقعي خوف وتردد..وحيره هل ياترى ببني على حلمي اساس؟ .. ام ياترى ببقى على هالوتيره ؟ والافلاس ماهو افلاس من حلم الافلاس! .. اذاك ماتملك لنفسك بصيره ماخلق شي الا بقدرن ومقياس .. ماشي يغلب شي أو يستعيره اللي خلق خوف وخلق ضيقه وياس .. خلق أمن وافراح وحب وبريره لذلك اللـه لايوليني انجاس .. ويكسوني بفضله ومنه وخيره الرب اذا تحتاج له صرت نبراس .. والانسان اذا تحتاج له صرت اسيره والناس ناتج ناس استلطفو ناس .. أبناء رغبة واستهامه وغيره لولا التلاطف واللي مابين الاقواس .. ماشفت هالعالم شفوحه غفيره ندور ويدور بنا كل هوجاس .. ومن أجل ذلك روسنا مستديره الكل تايه في مصيره ومحتاس .. وماهوب هو اللي يحدد مصيره فـ ياليت ماتنسى الذواليق غراس .. وماينسى مجرى المياه وخريره اعلّم اللي عاث من بعد ماجاس .. ترى الجهل راس الامور الشريره الانسان لو يملك من الجن حراس؟ .. أحقر ذبابه قادره تستثيره وين الملوك اللي على اقباب الافراس .. راحو وخلو المغريات الكبيره هالارض ياللي برجل الناس تنداس .. بواقي ابن دواد وابن المغيره الله يلعن كل مشرك وخناس .. والله يلعن هالحياه القصيره صغيـّر الادراك وصغيـّر الباس .. يشوف كل الناس مثله صغيره ياقلب برّد كل ماهب نسناس .. مادام هاليمنى نديـّـه وجديره يفداك من رزقه قتات وتمراس .. لولا رئتينه ماطلـّـع زفيره شفاه من طرد الملذات يباس .. وهو على عد الرواة وغديره حديثه فما قال حمزه فـ عباس .. ماحدّث لمسلم عن ابو هريره العمر فرحه وحده وعشرة اتعاس .. ومن لايجيره خالقه من يجيره ؟ ومن عاش شاف وكل غبه بغطاس .. والصدق خيره مذخرته الذخيره كل ما اكتشفت من الاصاحيب بلاس .. اقول يالله جعل فـ الامر خيره خيره تعرف ان به من اصحابك اخساس .. خيره ولكن ياعساها الاخيره اقسى جروح الناس تغلبه بنعاس .. مايذبح الانسان الا ضميره بعض البشر مثل ابتسامات الاعراس .. على كثر ماهي مثيره ضريره وحيد ولاعندك من الناس جلاس .. أخير من شر الكلام وسعيره والكل مايخلو من أخباث وأدناس .. في كل نفس هناك حاجه مريره فـ من قبل لاسوي مشاكل مع الناس .. عندي مع نفسي مشاكل كثيره |
رد: بادية الشعر....
[align=center]
باقة البادية (( ياصاحبي ماهي حكاية كرامة ** حنا خسرنا بسبتك ناس غالين )) *************************** (( أحرص على اللي دايم الدوم شاريك .....وأحذر من اللي لا قسى الوقت باعك )) ******************* (( كبر الخطا ماكل عذر يغطية ** مثل التعازي ما ترد المصيبة )) **************** (( نادت مشاري صاحو الخلق لبيه = من زينها كل الخلايق مشاري )) ************* (( ماقلت لي تقدر تحدى المقادير **وراك بدلـت التحـدي بالأعـذار )) ********** (( ماكل من يبعد به الوقت ناسيك **بعض البشر قدام عينك وينساك؟؟ )) ****** (( ماكل من يضحك مع الناس مبسوط **ياكثر من يضحك ونفسه حزينه )) **** [/align] |
رد: بادية الشعر....
بدرآل شافي [align=center] مل { صوت الحنجره } يعزف حنين ................ للصدى { ألحآن } لكن موجعه طآح من حمل { الصبر } متن الحزين ................. وش بقى له !! { مآبقى شيئن } معه عن { شتآتي } وش بغيتي تعرفين ؟ ................ معمعه في معمعه في معمعه والخفوق اللي { شحَذك } بـ..دمعتين ................. عن شعوره بالغلآ { صعب } أمنعه لـ..السفر لـ..البرد لـ..{ الجرح الدفين } ................. لـ..السرآب اللي { من الضيم } أتبعه بيني وبين المسآ { تستوطنين } ................ فيني { الغربه } وطن متجمعَه ويش أبحكي ؟ { آآآه يآ كثر الأنين } ................. لآغدآ وصلك { جفآف فـ..منبعه } بـ..أي طريقه { حآولي } تستذكرين !! ................. منهو اللي كآن { للضآيق } سعه؟ لملميني عن { تجآعيد السنين } ................. ضآيعن بين { الفصول الأربعه } !! [/align] |
رد: بادية الشعر....
|
رد: بادية الشعر....
بسم الله الرحمن الرحيم
الحمد لله والصلاة والسلام على رسول الله وعلى آله وصحبه أجمعين. اقتباس:
أين المزيونة يا عزيز حتى أصيح وأقول لبيه :) |
رد: بادية الشعر....
[align=center]السلام عليكم ورحمة الله وبركاته [/align][align=center]
الحمدلله والصلاة والسلام على رسول الله وعلى آله وصحبه أجمعين شكرا ابن العم عجبتني القصائد مشكور الله يعطيك العافية ولا يحرمنا من اختياراتك الموفقة موفق بإذن الله ... لك مني أجمل تحية . [/align] |
رد: بادية الشعر....
اقتباس:
الزين والمزيون هو مرورك وذوقك الرفيع ..... شكرا لك يالغالي |
رد: بادية الشعر....
اقتباس:
تحياتي اختي للا فوزية وشكرا لمرورك العطر...... |
رد: بادية الشعر....
عيدبن حطاب ********** من يشتـري قلـبٍ همومـه ملاييـن ويبيعنـي قلـبٍ مـن الهـمّ خالـي * عجَـزت أعـدّل مايـلات الموازيـن أليّا اعتـدل ميـزان ميـزان مالـي * دنياك يا الجاهـل تراهـا أمّ وجهيـن أيـام تشـرب مُـرّ وأيـام حـالـي * ويظهر صديق ٍ لك من الناس الأقصين يكفيك عـن رفقـة رفيـق ٍ موالـي * ورفيقـك اللّـي بالقفـا حَـدّ سكيـن بع رفقته بأرخـص ثمـن لا تبالـي * خلّه يروح يسار وأنته علـى يميـن وعشرين قرش يسـد عنهـا ريالـي *************** |
رد: بادية الشعر....
اقتباس:
[align=center] اشكر روعة مرورك اختي طيوف ..... [/align] |
رد: بادية الشعر....فجيعة الفراق
قلت الوداع وجاوبـت دمعـة العيـن تجـرح بساتيـن الخـدود النديـه * واغضت وشفت بعينهـا الحزن حزنيـن وصاحت على الفرقا انـا مـو قويـه * وجاوبتها ارجـوك تكفيـن تكفيـن والله دمعك يشعـل النار فـيّـه * وقالـت تعاهدني عـهـاد المحبـيـن الله يخـون اللـي يخـون بخويّـه * قلـت ابشري واللـي خلقـك لاتظنيـن حرااااام ماغيرك عشقـت آدمـيـه * وقصّت شعرها قلت انـا وش تسويـن قالـت ابـي مـن غرتي لـك هديـه * ونادتنـي الغربه علـى الهـم والبيـن احسّـب الأيـااااام روحـه وجيّـه * وفي كـل ليله ترتسـم بيـن رمشيـن خيالهابيـن الـرمـوش الشقـيـه * غربة سنه فـي ذمتـي غربـة سنيـن متى علـى الله يلتقـي الحـي حيـه * خلاص هانت مابقـى غيـر يومـيـن خـلااااااااص قفّت غربـةٍ جرهديـه * ورجعت شوقي في خفوقي براكيـن ورجعـت انـا كلـي لها جاذبـيـه * وسألت ما ردّوا وانا اصيح هي وين وكلٍ نثر مـن داخـل العيـن مَيّـه * وفـي معمعـة حزني تلقيـت رمحيـن قالـوا توفـت غافلتـهـا المنـيـه * وفـي غرغرتها ماذكرت غيرحرفيـن تشهـدت بسـمـك شـفـاه البنـيـه * وتزاحمـت فـي داخلي ألـف سكـيـن والحزن يطويـنـي ثمانيـن طـيّـه * صدمه وجابتنـي علىالارض نصفـيـن وشلـون راحـت دون ذنـب وخطيـه * تكفون دلـونـي علىالقبر هالحـيـن مـاعـااااد فيـنـي للصبر مقـدريـه * ووقفـت اطالـع قبرها بيـن نصبـيـن وجلست اضـم اغلـى النصايـب عليّـه * واصيح وش بك يا غلا مـا ترديـن اشتقـت همس إشفاهك النرجسـيـه * وش فيك جيت من السفر مـا تهليـن ماهي بلك عـاده ولا انتـي رديـه * وحاولت في لحظة جنون اجـرح الديـن وازيـح تـربـة قبرهـا فـي يـديّـه * وبالغصب شالوني حشـا تقـل مسكيـن واصـرخ بهم والله والله حـيّـه * اقفت وتاهـت بـي جميع العنـاويـن والحـزن يلعب داخلـي سامـريـه * ورجعت لـدروب الشقـا قبـل عاميـن مدري مـن اللـي صـار فينـا ضحيـه |
رد: بادية الشعر....انتظاراللقاء
شريت لي ثوب على شان لقياك والثوب راحت موضته مالبسته ** وشريت عطر ما زهاني بلياك اربع سنين بعلبته ما لمسته ** ودفتر قصيد كل يوم يترجاك ما فيه يوم ما سهرت ودرسته ****** |
رد: بادية الشعر....
باقة البادية من قارب الأجرب بالأمراض يعديه****عدواه تصطى باللحم والعظامي درب السلامه بينات مماشيه ******* ودرب العطب يرث عليك الكلامي ________________ بنت الردي حذراك حذراك تعجبك ****واحذر تصير لمثل هاذي حليلي وعن مايعيب النسل عرب مناسبك ***وعليك في بنت الحصان الأصيلي _________________ ربعك اليا بان الخلل فيك عافوك*****أقرب قريب لك من الناس يشناك ان كثر مالك اصدقولك وطاعوك **** وان قل مابيدك شانت حلاياك اليا نويت احذر تعلم بطاريك *******كم واحد تبغى منه العرف وأغواك وحذراك عن طرد المقفي حذاريك*****عليك بالمقبل واترك اللى تعداك __________________ من لانفع في شبته قبل ماشاب ****** عقب الكبر والشيب يصعب مجاله ومن لاحكي له باول العمر مضراب ****لامات تطوى بالصحايف افعاله ____________________ ماطار وقع من مطيره ولو حام ****** والزود مثل النقص ينقص ولوزاد ياماشي بالدرب مسرى ومجهام ******* لابد من عقب المراويح معواد ___________________ واين الملوك اللي لهم خيل واركاب******ناخت لهم غبر الليالي جملها واهل التكاثر والتفاخر بالانساب *****دارت رحى الدنيا عليهم عجلها ___________________ عاشر كريم يحفظ السر ويصونه ******مواقفه في نهار الضيق تنشافي اليا بدالك لزوم ينثني دونه*********في موقفه مايدور عندك أهدافي _____________ أيامنا والليالي كم انعاتبها ********شبنا وشابت وعفنا بعض الاحوالي تاعد مواعيدٍ والجاهل مكذبها ******* واللي عرف حدها من همها سالي ________ الله من هم بروحي سهجها ****** بخافي ضميري في كنين الحشا لاج أحر من نارٍ توقد وهجها *******منها خطر روحي على سلك ديباج __________ حيٍ يوريك المذله وتغليه ******أنا أشهد انك ميت القلب عامي من لايودك لاتوده وترجيه *****ارفع مقامك ياعزيز المقامي ارفع مقامك عن عدوك وتوذيه ***ويلحك من تركت رفيقك ملامي |
رد: بادية الشعر....
مَكْتُوْب لِلْكَامِل يَجِي فيه نُقْصَان وَّمَكْتُوْب لِلنَاقِص زَمَانِه يَزِيْدُه أَحْيَان نَتَكَبَّرعَلى الْحُزْن وَأَحْيَان بِكُل أَدَب نَمْشِي مع الْحُزْن سَيِّده |
رد: بادية الشعر....
اقتباس:
رائع سيادة النقيب ....شكرا لروعة مرورك |
رد: بادية الشعر....
حمدان بن محمد آل مكتوم ************* ********* ****** **** *** ** * * * لابد بالكامل يجي فيه نــقصــان***** ياليتــــها بالجـــوع بســـد جوعــــي لكـــنهــــا فــــره وكظـــه وميــــدان**** وانا ليا قدمــت يصعب رجــوعــي والكلمه اللــي من قنـــاعات وايمان**** يصبح بها لساني ويصغي سموعي قولو لمن سوت عــلى القلب بيبــان** اتفتحن من الســـبت ليــن الربوعـي اللي حزنها غيـر عن كــل الاحزان*** خلا ابتســــاماتي مثــل حب كوعي لو انهــــا تسهـــر ليـــا بعـــد الآذان*** بتشوفني لا رحت بطفي شمـوعــي * لو انهــــا تسهـــر ليـــا بعـــد الآذان*** بتشوفني لا رحت بطفي شمـوعــي حــزين متشــاءم ونــــادم وحيــران*** بس ما اظلــم وهاذي ارقى طبوعي ابوي سمـاني علــى ابـوي حمـــدان*** خلانــــي آخذ عزتي من خظوعــي علمني ابــادل الاســـاءه بالاحســان*** من قـــو وقفــاتي اثبـــت وقـــوعـي يمكن عيوني قاسيه بعض الاحيــان*** لكني اعرف من اصدقاي وربوعي والله لو ان في ايـدي افــرح انســان*** بفرحــه لــــو ان ثمنهـــا دمـــــوعي لابـــدبالكامل يجي فيه نقصان***** ياليتهــا بالجـــوع بســـد جــوعــــي لكـــنهـــــا فــــره وكـــظه وميـــدان*** وانا ليا قدمت يصعــــب رجـــوعي |
رد: بادية الشعر....
لا صد عنك من توده وجافاك خله وجازه بلجفامثل صده خلك عزيز النفس والعز مأواك وكلن عطه تفصيل ثوبه بقده خص الرفيق اللي اذاجيت حياك وان غبت ياصلك بالموده *********** |
رد: بادية الشعر....
اقتباس:
وطاب مساؤنا بلقائنا بك على هذا المتصفح , وكعادتك تنشر شذاك , ونحن نشتم الرائحة وعبقها ونقول أخيرا نذكر عزيزتنا طيوف التي جعلتنا نحفظ هذه الأبيات في رعاية الله تعالى يا الغالي |
رد: بادية الشعر....
عبدالله الوعد ياصاحبي ****** **** *** ** * ياصاحبي تكفا كفا ماعاد لي صدر وسيع انهارت اعصابي وانا بأول متاهات الشقا ياصاحبي تكفا كفا في خافقي طفل رضيع عليه من نقص الحنان اعز مابه واصدقا ياصاحبي تكفا كفا هجرك على قلبي شنيع وشلون تجفا صاحب(ن)باالصد منك ماهقا ياصاحبي تكفا كفا انا واحاسيسي جميع نسري وراء طيف(ن)على همة معاليها رقا ياصاحبي تكفا كفا ذيك الوديعه لاتضيع لاتنتسي ذاك اليمين اللي لنا بأول لقا ياصاحبي تكفا كفا مايندمل جرح الوجيع اللي تجرع من شراب البعد كاس العشرقا ياصاحبي تكفا كفا ماعاد والله استطيع وصلت حدي والجفا باالقلب ناره تحرقا ياصاحبي تكفا كفا امر وانا لمرك مطيع الا الكرامه لو نضحي باالكرامه وش بقا ياصاحبي تكفا كفا والود له شان رفيع استحلفك باالله لاينهار عهد(ن) وثقا ياصاحبي تكفا كفا بادلني الرد السريع ابنتظر منك الاميل اللي على وضحى النقا ************ اخي رائد شكرا لمرورك العطر والحمدلله على سلامتك |
رد: بادية الشعر....فجيعة الفراق
اقتباس:
أعجبتني كثيرا و أبكتني فعلا رائعة شـكــ وبارك الله فيك ـــرا لك ... لك مني أجمل تحية . http://vip-chart.freeiz.com/3/6.gif |
رد: بادية الشعر....
الله يعطيك العافية
|
رد: بادية الشعر....
[align=center]
شلتك من وسط نار الهموم وعالم الجمره وسقيتك من غلاي وما نفع طيبي وتقديري مثل زهره قطفها الوقت وقلبي شالها حسره لأني شفتها تحتي وأخاف يدوسها غيري رسمتك لين ما شفتك مثل صوره بلا فكره ألونها ولا يبين بعين الصفحه تصويري أكلم صفحتك / عيت تدور ونهتني بكره وعاف القلب هالصفحه وأيدني بتدويري وغلاتك / مو أنا اللي تهزه غلطة البذره صعب اتأثر بغيري و غيري فيه تأثيري وإذا راحوا جميع الناس عني وهانت العشره أظل الشامخ بدمعي وأقول لضحكتي صيري أنا مثل الذي يمشي بغابه كلها خطره أكمل خطوة دروبي ولا توقف خطا سيري أنا ما همني حكي الجهال / أعوذ من شره ولي غيره على ديني ولا أسمح بتكفيري أجي للحاقد مواجه ويجيني من ورى وكره يقول: وما صدق قوله وهمه بس تصغيري كثر ما كنت أنا أسولف عليك وبحة النبره كثر ما رحت ناكرني ولا تفكر بتفكيري أنا شمسك / وإذا إنت لقيت بغيبتي قمره مردك لي وإن طالت بك الدنيا مع غيري تبشرني بأفراحك ولا لك بالحزن ذره عساها دوم ضحكاتك وتحراها تباشيري بلا منه عطيت وما أبي من هالعطا نظره أنا طبعي كذى دايم / كافي شري وخيري وخلها قصة عندك وإخذها لدنيتك عبره أزيدك خير بأفعالي وينقص كف تقصيري شفتك طايح ودامي وجبرته ساقك وكسره نطرته لين ما ورد وسقيته من تعابيري مدامك طبت من جرحك وصارت صحرتك خضره أمانه لا ترده يوم / إذا جا وردتك / طيري [/align] شكرا لمرورك العطراختي سارة والاخت فوزية شكرا لك وفعلا القصيدة محزنه ومفجعة |
رد: بادية الشعر....
حبيت هذه القصيدة و حبيت ادرجها لكم
و استسمحك ابن العم عزيز بعد إذنك أحطها و احب قبل اعبرلك عن شكري و اعجابي بكل ما تختار من قصائد وعلى تنوعها في المضمون فشكرا لك ابن العم و ننتظر دائما الجديد و المزيد الممتع من عندك موفق بإذن الله ... لك مني أجمل تحية . [align=center]عيوني إنت تسواها[/align] [align=center]ماقلت احبك ولا قـد قلـت ماحبـك احب مالي عيونـي وانـت تسواهـا لو تدري اش كثر تعني لي تعرف انك اخر امل فـي حياتـي واول مناهـا ياكثر احس ان بك مني وبـي منـك روح قسمها على شخصيـن مولاهـا لا تقول وش تحب فيني اعشقك كلك من ليل شعرك لكلك واخـر اقصاهـا سميتني نصفـك الثانـي وياشحـك انـا بسميـك كلـي وانـت معناهـا تعبت اوديـك لـه ياقلـب ويـردك لا اخذ حلومـي ولا خلانـي انساهـا كل الحمام استراح وناح فـي ظلـك والورد الاصفر سقته الروح من ماها ليتك بعمري ثلاثة اشخـاص ماملّـك واحد معي دوم وواحد روحي يملاهـا والثالث بجفن عيني لا فقـد حسـك او غمض الجفن جاني فيك يتباهـى مو بس احبك انـا والله مـن حبـك احب حتى ثرى الارض اللي تطاهـا[/align] |
رد: بادية الشعر....
[align=center]
رائع ما اخترت اختي فوزية كما روعة مرورك شكرا لك لاثرائك المتصفح بمشاركتك.... تحياتي [/align] |
رد: بادية الشعر....
أصبر دمعي بكذبه يادمعي باكر وباكر.. يجيني من ترك فيني غلاه وصدقه الكاذب ويقبل باكر وكنه هذاك الزاير العابر.. ويقفي تارك بعده سخاه وجوده الشاحب.. وأعود أكرر الكذبه وأقول ان الفرح باكر..!! وأسوي نفسي الصادق .. وصدقي فالأصل كااااذب !! ******* وش ناوي؟؟ وليه انت علي قاسي!! كفايه تشعل النيران بقلبي وتجرح احساسي حسبتك اعز انسان هديتك اعذب الالحان تحابينا مثل الاخوان تسامرنا مثل خلان تزاعلنا وتراضينا الا هالمره ترى غلطان طعنت القلب وخليته يعاني نزف والم حرمان وذوقته العذاب الوان حسافة فوق كل هذا تجيني بصورة الولهان وبكل بساطة تقول اعذرني ترى "ندمان" ******** |
رد: بادية الشعر....
انا جيت اعشقك نبض ومشاعر مااعشقك تمثال اناجيت اسكنك واحياك وابقى فيك وابقى لك انا جيت استفز رضاك من فرقاك والجا لك انا ماهمت بك عاقل انا كنت اعشقك بخبال انا ماكنت احبك حي انا كنت اعشقك هالك ابي قلبك يحس انه فقد بمحبته انسان ملكته من هدب عينه وخسرت رضاه بهمالك صحيح ان الفراق اقسى ولكن الوصال محال وانا صعب علي ارضي غرورك واضعف قبالك ************ لاتعذر وتقول ماني بغلطان عذرك ياروح روحي صار اعتيادي الله وكيلك مابقى شئ مابان ميت مشاعر لاحشى منت انسان ارحل وهاجر وابتعد قدر الامكان الحب لبسته ثياب الحداديعذر وتقول ماني بغلطان " سبحان الذي يغير الناس سبحان" مغرم عرفتك واتركك حييييل هادي ************* |
رد: بادية الشعر....
تعبنا نرتجي الدنيا ولو لحظه تهنينا
تعبنا نرتجي جمعه بلا فراق والم واحزان تعبنا من ردات الحظ ولو نسلى يبكينا تعبنا نتجتمع ساعه ويفرقنا الدهر ازمان ******** [align=center]أبي وعد منك انك ماتخليني؟؟[/align][align=center] ولا تساوي غلاي بأحد ثاني..وان كانك تحبني بجد وتغليني.. لامني خطيت اسمحلي على شاني..وانا في محبتك مايلزم توصيني.. من يمك الروح تامرني وتنهاني [/align] ************ |
رد: بادية الشعر....
الله الله على ناس من الناس شرفا اطهار وسط خيمة كبيرة
عزيز من قال بلا شيب ف الراس زين الكلام هذا في ديوان العشيرة رمضان م |
رد: بادية الشعر....
اقتباس:
مرورك سيد الزين اخي رمضان تشرف المتصفح بمرورك العطر وشكرا لاطرائك |
رد: بادية الشعر....
قالتلي لا تلفي المسا ديرتنا كلها موسوســــــــــــــة
بملفاك لزيارة هلي والتهمة بي ملبًســــــــــــــــــــ ـة جيراننا تألف قصص وعيال عمي بهلوســــــــــــــة ادخل على الله و عليك الليلة لا تلفي عســــــــــــــى نرتاح من كثر الهرج و علوم خلقتلي أســــــــــــــى هذا ابن عمي من الصبح يترصدك قلت خســــــــــى آني مالي على الفرقة صبر بعدك أمر من الصــــــبر بس اسمعيني وافهمي لا تعتبي و تتألمي والله لزورك كل مسا لو غرقوني بالبـــحر لو جندلوني عالصـخر لو شعلوني بالجـــــمر انتظريني.....انتظريني كلما عتمت هالدنيا والضو انعدم اغزي مثل ذيب بثلج لافي على صربة غنم ما هي خسارة لو متت كل العمر بعدك عدم ما همني ركوب الخطر لعيون خلقت للخطر لعيونك يهون التعب وتهون آلام السفر قولي لكل ديرة هلك... جايي الولف طشي الخبر... بارودهم يسوى فلس أنا ماني خايف من بشر عندي حرز ضد الفشك وحجاب من عند النَوَر و شبّة وخرز ازرق رصد يحميني من درب الخطر قولي لكل ديرة هلك... جايي الولف طشي الخبر... والله لزورك كل مسا لو يزرعوا دربي إبر لو علقوني بالشجر لو يزحنوني بالحجر قوليلهم ... قوليلهم ... قوليلهم ... أنا رح أجي رغم السوالف و الحكي قوليلهم ... قوليلهم ...انا راح أجي لا تزعلي ..لا تزعلي ترى راح أجي دقت على الصدر بغضب و عضت على الشفة بعجب وقــــــــــــــالـــت : يقوللي راح أجي ...يا ويلي ما أصعب ها الحكي يا ناس وش بيدي عليه ....؟؟؟ جن العجي !!! جن العجي !!! جن العجي !!!........... للشاعر السوري عمر الفرا الملقب بشاعر البادية |
رد: بادية الشعر....
تسلمي يا فوفو على الشعر الحلو
وشكرا اخي عزيز بانارتك لنا الله يدومها يا رب |
رد: بادية الشعر....
رائعة اختي سارة شكرا لاثرائك المتصقح بذوقك الرفيع
|
رد: بادية الشعر....
الغريب....وابن العم!!! ********* دعَتْني وجيت للموعد وكنت مْن الفـرح كالطيـر وجيت من العصر طاير مع ان الموعد المغـرب وجتني بس مدري ليه شعرت الجيّة هذي غيـر وهي تقرب من عيوني شعرت إن الممات أقـرب وقلت الله يهوّنها عسى فـي جيّتـك لـي خيـر انا من شفتك أقبلتي وانـا خايـف ومستغـرب على كثر الحكي مـدري كأنّـه خانهـا التعبيـر وقالت لي جُمـل وأشيـاء لا تكتـب ولا تعـرب هدت فجأة تطالعني وأنـا فـي حاجـة التفسيـر لجل نحكي بهدوء اكثر سألت: الحلوة وش تشرب ؟؟ * فصاحت بي انا احبك ولك فـي هالحشـا تقديـر وتدري ان المثل فيـنـا وفـي احساسنـا يُـضـرب وكنت انت الوفي وانت البري من تهمة التقصير ولكن ذي عـوايدهـم مـن ايـام وزمـن يـثـرب تكون البنت لابن العم ورغبـات الكبـار تصـيـر وتدري الاقربون اولى .. مع انك للـخـفوق أقرب وتدري للقـدر كلمـة.. لعـادات الأهـل تأثيـر لذا أرجوك تتركني وانـا مـن واقعـك باهـرب شعرت بحكيها كنّـه قصـاص وامـر بالتعزيـر شعرت الدنيا ضاقت بي من المشرق ليا المغرب مشت خلّت وراها طفل ما يـدرك وش التدبيـر يحسب ان الغرام أشعار شاعر واغنيـة مطـرب ضحكت وماقدرت اني ألاقـي لضحكتـي تبريـر من اللي بوقتنا مرّه ضحك من لدغـة العقـرب رفضت أستوعب اللي صار ولا استسلمت للتغيير ثمان سنين اجي نفس المكان بساعـة المغـرب ورغم ان الثمان سنين جـرح وكلّفتنـي كثيـر أنا لليوم أجي وأدعي..يارب تجـــــي .. تجـــي يارب **************** |
رد: بادية الشعر....
بسم الله الرحمن الرحيم
الحمد لله والصلاة والسلام على رسول الله وعلى آله وصحبه أجمعين. عودة حميدة إلى باديتك المميزة يا عزيز |
رد: بادية الشعر....
اقتباس:
الله يسلمك ويرضى عليك وحشتني ايها الصديق الغالي ....لا تغيب |
رد: بادية الشعر....
اقتباس:
مثل العسل وسط الضماير غلاكم وانتوا عسل كل الليالي والايام جل القلم بالشوق خطه جداكم حبره محبه وصورته فكر والهام نوفي ولكن ما نوصل وفاكم الكم وفا ومنك الوفا ياخذ أحكام مزن بروقه لااضيات هواكم نجم فريد بلمعته وسط الاجرام نقشت انا ودي بصفحة سماكم وبدم قلبي صارت تخط الاقلام لاا عاش شعر في حروفه جفاكم ولاا عاش عمل ما قضى بحبك اعوام ******************************************** [/align] |
رد: بادية الشعر....
كم هو مخلص في حبه هذا الرجل الذي داوم على الحضور ثمان سنوات ؛والحبيب راح الى ابن العم كما قضت التقاليد.
رائعة اطلالتك |
رد: بادية الشعر....
اقتباس:
لا اروع من مرورك العطر اخي رمضان شكرا |
رد: بادية الشعر....
[align=center]
خبرتو حدن يبكي على واحدن يبكيه .. وخبرتو حدن مسجون مايبغي افراجه أحبه ولا ابغضته على شي يسويه .. ولا زالت أرقاب الرجا فيه منعاجه عسى منزلن ضمه حقوق الوسم تسقيه .. وتضحك له الدنيا وهو يضحك أحجاجه فقد خاطري شي من الضيقه مسليه .. وغدت روحي من الناس واليل هجاجه أروح المكان خابره خابره ياتيه .. أسوق القدم صوبه وهي مالها حاجه مكان نزيه واول امواجهي له فيه .. ونا خابر مارجل مثله بدواجه لعل وعسى محدني للمجي يدعيه .. وأشوفه ونا ماودي أسبب أحراجه يحب الجريح أخر أدروب القى ويجيه .. وتحب القدم جيت مكان اول امواجه ************* للشاعر محمد بن فطييس [/align] |
رد: بادية الشعر....
السلام عليكم ورحمة الله وبركاته موفق بإذن الله ... لك مني أجمل تحية . ما معنى مشاري يا أبناء العمومة
|
| الساعة الآن 11:26 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir